"தண்ணீர்" தேசம்

வைரமுத்துவின் அழகிய தலைப்பு.

இன்றைய சூழ்நிலையில் இரண்டாம் பாகம் வெளி வந்தால் அதன் சாரம் எதை பற்றி தெரியுமா இருக்கும்? TASMACயைப் பற்றிதான். அது தானே இப்போதைக்கு தமிழ் நாட்டை வாழ வைக்கும் அக்சய பாத்திரம்.

கல் இறக்குவதை எதிர்த்து தனது தோப்பை அழித்தார் பெரியார். இன்று தன் தொப்பையை வளர்க்கத் தொண்டர் வாயில் உத்துகிறான் மதுவை, தலைவன். 80'களில் கள்ள சாராயம் ஒழிக்கப்பட வேண்டும் என்று அரசாங்கமே குத்தகை எடுத்து சாராய கடை நடத்தியது. பின்பு அது ஒழிக்கப்பட்டு மதுக்கடைகள் ஆரம்பிக்கப்பட்டன. பின்பு BAR,TASMAC,Elite bar,Club என்று நல்ல முன்னேற்றம் கண்ட துறை.

“மது விலக்கு” வேணும்னு சொல்ற அய்யா அவர்களின் மாவட்டத்தில தான் நிறைய சாராய சாவுகள்.

“மது விலக்கு” - இந்த வார்த்தையை பயன் படுத்தக்கூட அரசு பயப்புடுது.இருக்காத பின்ன ?? வருமானம் தர்ற மகாலக்ஷ்மிய யாரவது ஓடி போய்டுன்னு சொல்ல முடியுமா?

ஊருக்குள்ள செய்ய முடியாத எல்லா காரியத்தையும் வெளியூர் வந்தாதான் செய்ய முடியும். சென்னை, பெங்களூர் இங்கெல்லாம் வேல பார்குற நம்ம பய புள்ள எல்லாம் குடியும் குடுதனமுமாதான் வாழுது. வண்டி வாங்குன Treat , மேனேஜர் திட்டுன Treat, Manager’a ஒரு கை நீ பார்த்துடாலும் Treat, அப்படி எப்படின்னு எல்லாத்துக்கும் Treat. இதெல்லாம் நகரத்துல தான்னு இல்ல. இப்பெல்லாம் காந்தி கனவுக் கண்ட, கிராம முன்னேற்றம் வந்தாச்சு.

சாவு வீடு, கல்யாண வீடு, சடங்கு வீடு, கருமாதி இப்படி எல்லாத்துலயும் தண்ணி. ஆனா ஒன்னு, வீட்டுக்கு நீ குடிக்குறது தெரியாத வரையில்தான் அது தப்பு. தெரிஞ்சிட்ட omelette வீட்டுலே போடா சொல்லலாம். ஆணாதிக்கம் அதிகம் உள்ள கிராமங்களில், பெண்களுக்கோ கணவர்கள் குடிப்பது அன்றாட நிகழ்வுகளில் இதுவும் ஒன்று என்ற மனநிலை தான். இந்த எண்ணம், முன்பெல்லாம் தினக்கூலி வேலை செய்யும் மக்கள் மத்தியில் மட்டுமே இருந்தது, இப்போதெல்லாம் நடுத்தர பெண்களின் மத்தியிலும்..

(எழுதபடாதச் சட்டத்துல ஒன்னு, வெளிநாட்டுல இருந்து வந்த கண்டிப்பா சரக்கோட தான் வரணும்.)
ஒரு அவசர வெளி காரணமா சிங்கப்பூர்ல இருந்து திருச்சி வந்தேன். வருசையில் நிற்கும் போது எண்ணி பார்த்தேன், சுமார் 10 - 15 நபர்கள் கையில் மட்டுமே சரக்கு பை இல்லை. (பொதுவா விமான நிலையத்துல வாங்குற எல்லாத்தையும் கையுல வச்சிக்கலாம், பையில போட முடியாது). பொதுவாக சிங்கப்பூர் மற்றும் மலேசியாவில் இந்திய பெண்கள் அதிகமானோர் பணிப்பெண்கள்.சமையல் வேலை செய்தோ அல்லது வீட்டு வேலை செய்தோ, இந்தியாவில் இருக்கும் குடும்பத்தை நடத்துபவள். இவர்கள் விமான நிலையத்தில் மதுவைத் தரம் பார்த்துத் தேர்ந்தெடுத்து வாங்கிய கட்சி இருக்கே, காண கண் கோடி வேண்டும். முதல் நாளே கணவனோ, சகோதரனோ BRAND NAME சொல்லி இருக்கக்கூடும்.

ஒவ்வொரு ஆண்டும் நாம் எதில் வரலாறு படைக்கிறோமோ இல்லையோ, கண்டிப்பாக விழாக்காலங்களில் மது விற்பனையில். நமது பிரதான போட்டியாளர் நமது அண்டை மாநிலம் கேரளம்.

ஆஹா என்ன வளர்ச்சி ... 20% கடந்த ஆண்டு


Fiscal Year Revenue in Crores % Change
2002 - 03 2,828.09
2003 - 04 3,639 28.67%

2004 - 05 4,872 33.88%

2005 - 06 6,086.95 24.94%

2006 - 07 7,300 19.93%

2007 - 08 8,822 20.85%

2008 - 09 10,601.5 20.17%

2009 - 10 12,491 17.82%

2010 - 11 14,965 19.80%

உபயம் : http://en.wikipedia.org/wiki/TASMAC

அலுவலகங்களில் நீங்கள் குடிக்கவில்லை என்றால் ஓரங்கட்டப்படுவீர்கள். புகைபிடித்தால் தண்ணியடித்தால் நண்பர்கள் வட்டாரம் கூடுமாம். (வினவியபோது காரணம் கூறப்பட்டது).அனால் ஒன்று, தண்ணி அடிக்கும் நபர்கள் அழைத்தால் அவர்களுடன் செல்லுங்கள், அவர்கள் அடிக்கும் கும்மாளத்தையும் உளறல்களையும் அனுபவிக்க கற்றுக்கொள்ளுங்கள்.

குஜராத்தை போல் வளர்ச்சியும் வேண்டும், மது விலக்கும் வேண்டும்.